Танд туслах хэрэглэгчийн лавлах

7021-0021
НүүрМэдээГэрээ шинэчлэх уулзалт зохион байгуулав

Гэрээ шинэчлэх уулзалт зохион байгуулав

ГОУХАН-ийн “Эрүүл мэндийн нийгмийн даатгалын шинэчлэл” төслийн багаас 2013 оны 10 сарын 23-ны өдөр Нийгмийн даатгалын ерөнхий газар,эмнэлгийн төлөөлөл оролцсон  гэрээ шинэчлэх уулзалтыг зохион байгууллаа.

Энэхүү уулзалтын зорилго нь туршилтын гэрээний хэрэгжилтийн талаар хэлэлцэж, гэрээг шинэчлэх санал боловсруулахад  оршиж байв.

Уулзалтанд туршилтын гэрээ байгуулан ажиллаж байгаа Улсын нэгдүгээр төв эмнэлэг,Улсын гуравдугаар төв эмнэлэг, Ачтан-Элит эмнэлэг, Хан-Уул дүүргийн нэгдсэн эмнэлэг болон эрүүл мэндийн даатгалын гэрээ бүхий Улсын хоёрдугаар төв эмнэлэг, Эх хүүхдийн эрүүл мэндийн үндэсний төв ,Сонгинохайрхан  дүүргийн нэгдсэн эмнэлэг, Чингэлтэй дүүргийн нэгдсэн эмнэлэг, Номун эмнэлэг, Монг-эм эмнэлэг, Оргил рашаан сувилалын удирдах ажилтнууд, чанарын албаны дарга, эрүүл мэндийн даатгал хариуцсан эмчийн төлөөлөл, Нийгмийн даатгалын ерөнхий газрын дэргэдэх Эрүүл мэндийн даатгалын газрын мэргэжилтнүүд  оролцлоо.

Уулзалтыг нээж ЭМДГ-ын дэд дарга П.Мөнхтулга,ГОУХАН-ийн төслийн ахлагч Д.Төмөртогоо нар үг хэллээ. Уулзалтын хөтөлбөрийн дагуу ЭМДГ-ын Тусламж үйлчилгээний чанарын хэлтсийн ахлах мэргэжилтэн Б.Сарантуяа “Даатгуулагчдад үзүүлэх тусламж үйлчилгээний чанарыг сайжруулах чиглэлээр нэвтрүүлсэн ажлын талаар” товч танилцуулга, ГОУХАН-ийн “Эрүүл мэндийн даатгалын тогтолцоог бэхжүүлэх төсөл”-ийн зөвлөх Б.Нансалмаа “Туршилтын гэрээг шинэчлэх танилцуулга” хийлээ. Уулзалтын оролцогчид 4 дэд бүлэгт хуваагдаж  чиглүүлэх асуултуудын дагуу гэрээ шинэчлэх санал боловсруулан хэлэлцэж,танилцуулсан бөгөөд уулзалтын үр дүнд туршилтын гэрээний талаар оролцогчид нэгдсэн мэдээлэлтэй болж, гэрээний загварыг шинэчлэх чиглэл, саналуудыг тодорхойллоо.