Нийгмийн даатгалын ерөнхий газрын дарга Ц.Уртнасан болон ЭМДГ-ын мэргэжилтнүүд 2015 оны 03 дугаар сарын 18-ны өдөр Дархан-уул аймгийн Нийгмийн даатгалын хэлтэст ажиллав.

Тус хэлтэс нь 12 мянга гаруй тэтгэвэр авагч,  1600 орчим Аж ахуйн нэгжид үйлчилдгээс гадна 890 малчин, 9300 орчим ажил хөдөлмөр эрхлээгүй даатгуулагчийг эрүүл мэндийн даатгалд хамруулж, 6400 орчим иргэнийг сайн дурын даатгалд даатгуулсан байдалтайгаар үйл ажиллагаагаа явуулж байна.

Нийгмийн даатгалын ерөнхий газрын дэргэдэх  Эрүүл мэндийн даатгалын газрын Бодлого төлөвлөлтийн хэлтсийн дарга Ц.Ганцэцэг Эрүүл мэндийн даатгалын хуулийн шинэчилсэн найруулга, нэмэлт өөрчлөлтийн талаар, Бүтээмжийн багийн ахлагч Б. Мөнхбаяр ISO9001:2008 Чанарын удирдлагын тогтолцоог хэрэгжүүлэх талаар хэлтсийн мэргэжилтнүүдэд мэдээлэл өглөө.

Мөн энэ үеэр Улсын байцаагчийн эрх олгох шалгалтанд тэнцсэн болон эрхээ баталгаажуулсан нийт 26 байцаагч Нийгмийн даатгалын Ерөнхий газрын даргаас Улсын байцаагчийн үнэмлэх, энгэрийн тэмдэг, тамгаа гардаж авсан юм.