Байгууллагын тухай

Эрхэм зорилго

Бид даатгуулагчийнхаа итгэл найдвар, сэтгэл ханамжаар үнэлэгдэх нийгмийн даатгалын үйлчилгээг хүргэнэ.

Хэтийн зорилго

Манай байгууллага 2030 он гэхэд бүх нийтийн насан туршийн нийгмийн баталгааг хангахуйц чадамжтай, нийгмийн даатгалын цогц үйлчилгээ бүхий ДААТГАГЧ болно.

Үйл ажиллагааны стратегийн зорилт

Нийгмийн даатгалын талаар төрөөс баримтлах бодлогын хэрэгжилтийг хангуулах, нийгмийн даатгалын төв, орон нутгийн нэгжийг мэргэжил, арга зүйн удирдлагаар хангах, нийгмийн даатгалын сангийн орлого, зарлагын дунд хугацааны төсвийн төсөл, төсөөлөл болон төсвийн нарийвчилсан хуваарийн санал боловсруулах, гүйцэтгэлд хяналт тавих, судалгаа хийх, ирээдүйн төлөв байдал, урт хугацааны урьдчилсан тооцоолол хийх, үнэлэлт дүгнэлт өгөх, санал боловсруулах, нийгмийн хамгааллын чиглэлээр байгуулсан олон улсын гэрээ, хэлэлцээрийн хэрэгжилтийг зохион байгуулах;
Нийгмийн даатгалын сангийн орлого бүрдүүлэх, тэтгэвэр, тэтгэмж, төлбөр, зардлыг хугацаанд нь олгох, өр, авлага барагдуулах ажлыг удирдан зохион байгуулах, өмчийн харилцаа, хөрөнгө оруулалтын үйл ажиллагааг зохион байгуулах, нийгмийн даатгалын сангийн хуримтлал бий болгох, нягтлан бодох бүртгэлийн мэргэжил арга зүйгээр хангах, гүйцэтгэлийг тайлагнах;
Нийгмийн даатгалын бодлогын баримт бичиг, хууль тогтоомж, тогтоол шийдвэрийн биелэлт, үйл ажиллагааны төлөвлөгөөний хэрэгжилтэд хяналт шинжилгээ, үнэлгээ хийх, сангийн болон үйл ажиллагааны зардлын зарцуулалтад аудит хийх, дүгнэлт зөвлөмж гаргах, мэргэжил арга зүйн туслалцаа үзүүлэх;
Нийгмийн даатгалын тухай хууль тогтоомжийн хэрэгжилтийг ажил олгогч, даатгуулагч, иргэн болон нийгмийн даатгалын орон нутгийн нэгжид хяналт шалгалт хийж шийдвэр гаргах, мэргэжил арга зүйн туслалцаа үзүүлэх, соён гэгээрүүлэх, урьдчилан сэргийлэх, үр дүнг сайжруулах чиглэлээр санал боловсруулах
Төрийн захиргааны удирдлагын манлайллыг хангах, бодлогын баримт бичиг, хууль тогтоомж, тогтоол шийдвэрийн эрх зүйн үндэслэлийг судалж, хэрэгжилтийг хангах, төлөвлөх, тайлагнах, хүний нөөцийн бодлого, төлөвлөлтийг оновчтой зохион байгуулах, нийгмийн даатгалын үйлчилгээг хөгжүүлэх замаар байгууллагын тогтвортой хөгжлийг хангах;
Нийгмийн даатгалын байгууллагын хүний нөөцийн чадавхийг бэхжүүлэх, олон нийт, харилцагч байгууллага салбар хэлтэс, тасгуудад мэдээлэл түгээх, гадаад хамтын ажиллагааг хөгжүүлэх замаар байгууллагын тогтвортой хөгжлийг хангах;
Нийгмийн даатгалын харилцаанд оролцогч талуудад эмнэлэг хөдөлмөрийн магадлалын чиглэлээр мэргэжил арга зүйн үйлчилгээ үзүүлэх;
Нийгмийн даатгалын үйлчилгээг мэдээллийн технологийн үйл ажиллагаагаар дэмжих, мэдээллийн сан бүрдүүлэлт, хадгалалт хамгаалалт, гадаад, дотоод мэдээллийн урсгалын нэгдсэн хяналттай тогтолцоог төлөвшүүлэх, хөгжүүлэх.
Нийгмийн даатгалын байцаагч нарыг чадавхижуулах, мэргэжил, ур чадварыг дээшлүүлэх, мэргэшүүлэх, давтан сургалтыг системтэй, мэргэжлийн түвшинд байнга тасралтгүй явуулах, нөгөө талаар ажил олгогч, даатгуулагчдад нийгмийн даатгалын талаарх хууль эрх зүйн мэдлэг олгох хичээл сургалтыг нэгдсэн хөтөлбөрийн дагуу зохион байгуулах;
Бүгд Найрамдах Солонгос Улсад хөдөлмөрийн гэрээгээр ажиллаж байгаа Монгол Улсын иргэдийг нийгмийн даатгалын талаарх мэдээллээр хангах, сургалт зохион байгуулах, тэтгэврийн даатгалд хамруулах, төлсөн шимтгэлийг бүртгэх, тэтгэврийн даатгалын сан бүрдүүлэх, төвлөрүүлэх, шимтгэлийн буцаан олголтыг холбогдох журмын дагуу зохион байгуулах;

Чанарын бодлого

Нийгмийн даатгалын байгууллага нь өсөн дэвших эрмэлзлэлтэй мэргэшсэн, чадварлаг, ёс зүйтэй хүний нөөцөд түшиглэн үйл ажиллагаагаа цаг үргэлжид сайжруулан, түншлэл хамтын ажиллагааг дэмжин, харилцан үр ашигтай хамтран ажиллаж, сайн засаглалыг хэрэгжүүлэн, хэрэгцээ шаардлагад нийцсэн чанартай үйлчилгээг ДААТГУУЛАГЧДАД хүргэнэ.

АЖИЛТНЫ ЭРХЭМЛЭХ ҮНЭ ЦЭНЭ

Нийгмийн даатгалын байгууллагын бэлэгдэл ШҮХЭР бөгөөд энэхүү үгийг бүтээгч үсэг бүхэнд ажилтан бидний ирээдүйн зорилго чиглэл, эрхэмлэх үнэ цэнийг тодорхойлсон.

Ш -ШИЛДЭГ МЭРГЭШСЭН

Ү –ҮНЭНЧ, ЁС ЗҮЙТЭЙ

Х -ХАМТЫН АЖИЛЛАГАА, ТҮНШЛЭЛИЙГ ДЭМЖИГЧ

Э -ЭЕЛДЭГ, ТУСЧ

Р -ЭРЧ ХҮЧТЭЙ, БҮТЭЭЛЧ САНААЧИЛГАТАЙ

НИЙГМИЙН ДААТГАЛЫН БАЙГУУЛЛАГЫН ТОГТОЛЦОО

БАЙГУУЛЛАГЫН БҮТЭЦ

БАГАНУУР ДҮҮРГИЙН НИЙГМИЙН ДААТГАЛЫН ГАЗРЫН ТҮҮХЭН ЗАМНАЛ

Багануур хэмээх их айл өндөр үүдээ өргөж, өрх гэрээ тусгаарласаны дараахан буюу 1979 оноос Багануур хороо, районы АДХ-ын гүйцэтгэх захиргааны анхны тэтгэвэр, тэтгэмжийн байцаагчаар Шаравын Даваасүрэнг 1979 онд томилон ажиллуулсан байна. Үүнээс хойш 1982-1991 онуудад тэтгэвэр тэтгэмжийн байцаагч, нягтлан бодогчоор С.Алтанцэцэг, Ж.Пүрэвдорж, Г.Бадархүү, Р.Очирбат нар уг албыг хашиж байжээ.

1991 онд тэтгэвэр, тэтгэмжийн үйлчилгээ МҮЭ-ээс төрд шилжиж тус дүүрэгт 1992 оны 03 дугаар сард Хөдөлмөр Нийгэм хангамжийн хэлтэс байгуулагдсан бөгөөд /1992.03.01-1994.12.31 хүртэл/, Улаанбаатар хотын Хөдөлмөр Нийгэм Хангамжийн газрын шийдвэр, дүүргийн Иргэдийн Төлөөлөгчдийн хурал, АХ-ын Гүйцэтгэх Захиргааны 1992.03.05-ны өдрийн тогтоолоор Багануур дүүргийн АХ-ын Гүйцэтгэх Захиргааны дэргэд Хөдөлмөр Нийгэм Хангамжийн хэлтэс нэртэйгээр байгуулагдан анхны даргаар Рагчаагийн Цэрэндулам, ахлах нягтлан бодогчоор нь МҮЭ-д шимтгэл хариуцсан нягтлан бодогчоор ажиллаж байсан Хавдайн Унетхаан нарыг томилсон билээ.

1994 онд Нийгмийн даатгалын багц хууль батлагдаж 1995 оноос хэрэгжсэнээр Нийгмийн даатгалын хэлтэс /1995.01.01-2017.07.21/ болж өөрчлөгдөв. УИХ-ын 2016.07.21-ний өдрийн 12 дугаар тогтоолоор Төрийн захиргааны байгууллагын тогтолцоо, бүтцийн ерөнхий бүдүүвчийг өөрчлөн баталсанаар Эрүүл мэнд, Нийгмийн даатгалын хэлтэс /2016.07.21-2018.01.01/ хэмээх болсон ба Эрүүл мэндийн сайдын эрхлэх асуудлын хүрээнд эрүүл мэндийн даатгал шилжсэнээр УИХ-ын 2017.11.09-ний өдрийн 68 дугаар тогтоолоор эргэн Нийгмийн даатгалын хэлтэс нэртэйгээр үйл ажиллагаа явуулж байна.

Энэхүү түүхэн он жилүүдэд 2006 онд хэлтэс өөрийн байртай болж, улмаар орчин үеийн компьютер техник тоног төхөөрөмжөөр бүрэн тоноглогдсон бие даасан нэгжийг орон нутагт бий болгов.

Хэлтсийн хамт олноос хөдөлмөр бүтээлээрээ олон ажилтнууд шалгаран гарсанаас “Хөдөлмөрийн гавъяаны улаан тугийн одон”-оор Ж.Төмөрчулуун, “Алтан гадас” одонгоор Ж.Төмөрчулуун, Д.Туул, Д.Тамжид, М.Байгалмаа “Хөдөлмөрийн хүндэт медаль”-иар М.Байгалмаа, Д.Батсүрэн, Ө.Мягмаржав, Г.Мөнхнасан, Д.Туул нар шагнагдсан байна. Мөн Г.Мөнхнасан 2010 онд дүүргийн ”Хүндэт иргэн”-ээр, М.Байгалмаа 2012 оны дүүргийн тэргүүний “Санхүү банкны ажилтан”-аар, П.Отгондэлгэр дүүргийн 2017 оны “Шилдэг үйлчилгээний ажилтан”-аар, Г.Батболд 2018 оны нийгмийн даатгалын салбарын “Шилдгийн шилдэг байцаагч”-аар, 2019 онд “Оны тэргүүний Төрийн жинхэнэ албан хаагч”, Г.Мөнхнасан 2021 онд “Оны тэргүүний Үйлчилгээний ажилтан”-аар тодорсон юм. Түүнчлэн Нийгмийн хамгааллын тэргүүний ажилтан, Санхүү банкны тэргүүний ажилтан, Нийгмийн даатгалын хүндэт ажилтан цол тэмдгүүдээр олон арван ажилтнууд шагнагдсан нь хэлтсийн ажлын хэмжүүр, үр дүнгийн илэрхийлэл билээ.

Одоо тус хэлтэс нь Үйлчилгээний, Санхүү бүртгэл, орлого хамралтын, Хяналт шалгалтын 3 тасагтай, нийт 20 ажилтан алба хаагчтайгаар, ажил олгогчдоос орлого шимтгэл төвлөрүүлж, тэтгэвэр авагчдад тэтгэврийг сар бүр олгож, даатгуулагчдад тэтгэмж, төлбөрийг цаг тухай бүр олгон үйл ажиллагааг хэвийн тасралтгүй ханган ажиллаж байна.

ОН ЦАГИЙН ТОВЧОО

1979
Багануур хороо, районы АДХ-ын гүйцэтгэх захиргааны анхны тэтгэвэр, тэтгэмжийн байцаагчаар Шаравын Даваасүрэнг 1979 онд томилон ажиллуулсан.
1992
Хөдөлмөр Нийгэм хангамжийн хэлтэс байгуулагдсан
1995
Нийгмийн даатгалын хэлтэс /1995.01.01-2017.07.21/ болж өөрчлөгдөв.
2006
Хэлтэс өөрийн байртай болж, улмаар орчин үеийн компьютер техник тоног төхөөрөмжөөр бүрэн тоноглогдсон бие даасан нэгжийг орон нутагт бий болгов.